هاكدب واقــول انى خلاص مابموتش فيـــك
والقلــب باعك من ســنين ولاهوش شـاريك
الكــدب خيبــة ياحبيــة ومــش ف طبعــــى
بـــس المصــيبة بأن قلبــى مابـــين إديــــك
*****
إبقـــى إقطعيه أو فتفتيه علشــــان حــــداك
ملعــــون أبـــوه الحب وســـنينه الهـــــلاك
ياما نصـحته وقـــولت ســــيبك م الغــــرام
ماسمعش صوتى ومن ساعتها فضل معاك
*****
خليـــه يآســـى وعذبيــه وارضى غرورك
مابقتــش تفــرق بين غيـابك أو حضـورك
واتلـــذذى بطعـم العـــذاب اللى احنا فيــه
لوحتـى كانت لوعتــى منبع ســــــرورك
*****
بس إوعى تنسى إنك جرحتى وما جرحتك
واتحمـــلك وقت العتـــاب وكـتير نصحتك
ان الســــعادة ف الحيــــاة هــى العطـــــاء
وان بغـــرورك يستحيل هتـلاقى راحتــك
ليست هناك تعليقات:
إرسال تعليق