هاتــى مهما تجبى حطــى ع اللى فـــوقى
مــــش هقــولك شـــيلى عنى ولا فـــــوقى
و مــش هاقــول انى تعــبت من الجـــراح
ولا هاشتكى لك غربتى واطلب حقــوقــى
*****
ملعــون ابو اللى يطاطى راســـه لاى ريـح
أو يسـتعان بك وقــت شــــدة ولو كســــــيح
ياضحكة علـى كل اللـى حـبك بالرتـــــوش
يامفكـــرين الدنيا حــلوة دا مــش صحـــيح
*****
الدنيــــا صورة جمـــيلة لونها الخـــــــداع
واللى يأمنها ضرورى يبقى مع اللى ضاع
اياكـــو من ضحـكتها اوعـــــو تصـدقـــوها
كان غــيركم اشــــطركنت عامل واد بتـــاع
******
تخـدك يومــين على حجرهـا وهـــا د للعـــك
وتحسسك طعم الأمانى بس قبل ماتخــدعك
هاتشـــوف جمال وتحس انـــك شـــيئ كبــير
وف لحظة تسقط م الهدوم وتلاقى حية بتلدعك
******
فتح عنيك وان نمت سيب فى واحدة صاحية
راقب طريقـــك والتفت علــى كل ناحيـــــة
خليــك حريص من غدرها مهمـــا تلاغيـك
إن حست اتطــمنت ليـــها تضيع ف ثانية
*****
خـــــد عــبرتك منى وحاسب مهــما كان
انا كنت شــــاب فتوة وصاحبنى الزمـــان
صدقت انى خلاص ملكت الكـــون بحاله
وكل يــــوم اغتر بيها واقــــول كـــمان
*****
طارت بى فوق وسط السحاب ومنعمانى
وبجهل منى ان افتكرته ف يوم مكــانى
حدفتنى من فوق النجوم ضاع كل شيئ
والصحة ضاعت والتقتنى بشـكل تانـى
*****
والعمـــر ولــى ولــتراب بســتنى دورى
تايه غريب بجنى حصاد ذنبى وغورى
واستعطف الناس اللى كانــو اتمنو ودى
والدنيا نهشت جتتى قولت لها غـورى
ليست هناك تعليقات:
إرسال تعليق