القـــــــدر حدد ملامـح خطوتى برغم العنــاد
ورســـملى ســــكة من هنـــا لآخر البــــــلاد
معــرفش صـدفة احنا اتقابلنا على الطــريق
ولا صحــيح أرواحـنا كان بينهم ميعـــــاد ؟
*****
طـول عمـرى طـاير بين فروع كل الشــجر
تارك هموم العشق قلبى اللى أقوى م الحجر
قلبـى اللى سـاكن بين ضلوعى ماحب يـوم
اليوم لقيته بيرتجف خدنى الزهول إنه افتكر
*****
هو الكســـوف من نفسـى بسـأل خنى ليه؟
وانا اللى شـايله ما بين ضلوعى واخاف عليه
أيــه اللى صابك يافـؤادى وليه توصلنى لكدا
شــوفت الملام ف دموعى قبل اللى ف عنيه
******
الوقت بس عرفت ليــه قلبى المعــاند يرتجــــف
كان لازم أؤمن بالغرام أوحتى بوجوده اعترف
من خوفى ضيعت السنين واهم بأن العشق زيف
فاكر انى غير كل البشرالمغرمين وانا مختلف
ليست هناك تعليقات:
إرسال تعليق