الخميس، 14 فبراير 2013

مربعات أحمد راضي ( فن الواو )





( 1 )
ياللـى انت غاوى الجمــــــا ل
مـــــــين ف الحريــم يشتهيك
مـــادام رفضـــت الحـــــــلال
هـتبيــــع و مــين يشــتريــك؟
( 2 )
النـــاس ف هـــم ومــواجـــع
وانت اللـــى مخمور بكاســك
سـيبت اللــــى سـاجد وراكع
وشـيطان بيلعب ف راســـك
( 3 )
الدنيــــا دايـــــــرة ودايـــــر
بتـلف ......طيب  بـراحــتك
احســب وكيــــــّل  وعــايــر
بس اوعى تحبس صراحتك
( 4 )
ان كنت صاحبـى وصديقـى
لازم تحـــــــس باهاتـــــــى
شــريك ف فـرحى وضيقى
وبلاش تشـــــوه صفاتـــــى
( 5 )
الدنيـــــا زى الســــــواقــى
تروى كفــــورها ونجوعها
وانا اللــى ارضى شــراقى
بتفـوت عليـا ف رجـوعهـا
( 6 )
الــرزق مكتــــوب علينـــا
ياصحبـى من غير وسـيط
والمـوت سـاعة ما يأتينـــا
مســألــــش مــين العبيـــط
( 7 )
الدنيــــــا دايـــــرة علينــا
ولكــــل واحـــــد كــــاس
فــى ناس تبكـــى عنينـــا
واحــــنا نِبَّكـــى ف ناس
( 8 )
ابــــدرتقــــاوى الحقيقــة
تطــــرح فــى اى منــاخ
تحصد ثِمــارها ف دقيقة
من غـــير ســماد وسباخ
( 9 )
بتلـــوم عليــــا وعـيوبك
واضحة  لكــل النــــاس
متقلـــش تشـفع جيــوبك
لــــوتفقــد  الإحســــاس
( 10 )
مهمـــا تطــــول الليالـى
اصــبر علـى المقســوم
مين اللـى م  الهـم خالى
ولكـــل واحـــــد كـــوم
( 11 )
اختار صديقك وحاسب
انـك تنقــى ف عيــوبه
ومهمــا كنتم حــــبايب
بلاش تفتــش جـــيوبه
( 12 )
خليك طموح والعبـادة
قبل  الأمل والطــموح
هاتحس  طعم السعادة
لو اللى جاى  هيروح
( 13 )
اصـبر وصبرك هيشـفع
فى العرض يــوم الديــن
فى الفقـر هو اللى  ينفـع
وف  المـرض والديـــن
( 14 )
الكل بيجرى ف طريقـه
مع انه من بكره خايـف
ومهما هيجـف ريقـــــه
يحـلم ببســمة  شفايــف
( 15 )
اصبر علـــى الهــم لكن
لازم يكــونلك طمــــوح
مش تبقى ع الحلم راكن
وتقضى عمـــرك تنوح
( 16 )
حاول تشوف  اللى تعبك
مهما يكـون من عواقــب
والدنيـــا مهمــا تلاعــبك
هيجى يـــوم تبقى غالـب
( 17 )
الدنيــا من غــير ماتـدرا
بتشــيل وبتحــط فيـــــك
ولمـــا تحســـب لبكـــرة
هاتبقـى هى ف  إيديــك
( 18 )
اوفى بوعودك ياصحبى
وامسك لســـانك تعيــش
وخللـى ســــرك مخبــى
وان قولــته متـــلومنيـش
( 19 )
الحــب زى العواصــف
ملـــوش ميـعاد ف الجو
لكـــن سـعات العواطف
اشــــــد مـــن غــير نـو
( 20 )
لــوكنت شــاهد عيـــان
متقـلش وانــا مـالـــــى
اشهد وقول مهما كان
لــــو ع الضنـى الغالى
( 21 )
سألت حريــف غـــرام
مــــين اللــــى متهنــى
فقالـلــى بطــل كــــلام
وروح  بعـــــــيد عنى
( 22 )
الحــــب ســـر الحيـاة
والحـــياة اســــــــرار
واللــى محبش رمـــاه
حظــه ف وسـط النـار
( 23 )
ســألت بنحــب ليـــــه ؟
مالقـتـش جانى جــواب
رغـم اللـى بسأل عليـه
مـــــدوب الأحــــــباب
( 24 )
المــــوت نهاية بــــدن
وبدايـــة تانيــة  لحياة
مافيش جــيوب للكفن
ولافـيش وسيـط للإله
( 25 )
المــوت على الابواب
عملت لــه حســــابك ؟
ولاانت يـــوم الحساب
هتفتـــــدى بمــــالك ؟؟
( 26 )
حــاول تعالـــج أمـورك
بالصـــبر والإحـــــــكام
وإوعـى ياخدك غرورك
وتقــــــول دا ديته كـــام ؟
( 27 )
افـــــرش طريقك بـــود
وحـــــب كــــل النــاس
دا الشوك مجــاور ورد
والأرض عاشـقة الفاس
( 28 )
بتحـــب ؟طــيب ومـاله
لازم يكــــون لك وليـف
واللــــى بتعشق  جماله
لابــــــد يطـلع شريــف
( 29 )
ماتقيسش طـولك بطـولى
دا لكـــل واحــــد طـــول
وبلاش تسخف ف قــولى
لاانت اللى تبقى  جهـول
( 30 )
تغمـز وتهمــس وتضحـك
ع اللـــى  ف ريحــك ليـه
لوكنت  حاسس بجرحك؟
ماتقولش ألســن عليــــه؟
( 31 )
انت تعرف عيب زميــلك
بـــس عيبك ماتشـــــفوش
لــو تفكــرنى بجميــلك ؟
يبقـــى كنت متعملـــوش
( 32 )
الجـــــــــو مهمــــا يعاكســـك
ويبقـــــى عــــندك حســــــوم
اضحــك وقـولها  ف نفســـك
يعــــدلهـا ربـــك ف يــــــوم
( 33 )
خللــى إيدك فــوق وحاسب
م المظــاهر و الــريــــــــاء
تبقى صــدقة تبقــى واجـب
المهـــم مافيــــش  نفــــــاق
( 34 )
جــود من الموجــود يبارك
ربنـــا يحب الكـــــــــــريم
مهمــا كان الرزق شــارك
ارمـــــلة  او  واد  يتيـــــم
( 35 )
فى نــاس تحـبك لشخصـك
وياخوفــى لـو كان نفــــاق
وان كنت هاتبـدى نفســــك
اهـو دا اللـى أس البـــــلاء
( 36 )
لــو كنت فيــك من مـزايا
ضرورى فيك من عيوب
لازم تشــوفها ف مـــرايا
ف صديـق مخلـص دؤب
( 37 )
الصـاحـب اللــى يغشــك
خليه بعـــيد وانسى دربـه
والحــب لوكان لقـرشــك
يغـــوور لــو تنسـتربـــه
( 38 )
كتر الكــلام والحكـــاوى
واللـــت والتمــاحيــــــك
بيكـــونو أس البـــــلاوى
والكــــل يطمــــع فيــــك
( 39 )
الصمت ابلـــغ كـــــــلام
وسعات يخـوف غريمـك
وان كـنت غــاوى العلام
متقلش على ف ضميرك
( 40 )
شيئ طبيعى تحب  نفســك
حتــــى تتعلــم  تحــــــــب
بــــس لوفــــى حد نفســك
إوعى تكـــــره أو تســــب
( 41 )
الغـــــرام والحب نعمـــــة
ادعى ربـــــك لـم  تــزول
واللـــــى شاف الحب نقمة
لــــو بحب صحيـــح يقول
( 42 )
مستحيل يوم تكرهى ابنـــك
حتــــى لــــو م  الجاحديـــن
تدعى يااااااه على حتة منك
تكـــرهى اللـى يقول آمــين
( 43 )
الكـــــلام بيــــذيد ويكــــــتر
والغــــــــلط دايمـــا يبــــان
والكــــلام اللـــــى يعـــــــور
يبقـــــى طـن من اللـــبـان
( 44 )
احــــنا اغرب م الغـــرابـة
وكلنــــــا فينـا العيـــــــوب
ليـــه بنطعن  ف الغلابــة؟
واحنا نحصد  ف الذنـــوب
( 45 )
شايل همومــــك   وعارف
مــاحـــد غــــيرك يشـــيلها
معــرفش ليه عشت خايــف
وتقضــى عمـرك  ماشــيلها
( 46 )
الحـــب اســــلم طـريــــقة
لوصـــول قلــــــوب الناس
واللـــــى يخبى الحقيــــــقة
يبقى  شيطان  خنــــــــــاس
( 47 )
ارضــك بعــرقك هتطرح
هــو الـــــدوا لشـــــراقــى
بتشـــــم ريحــتك بتفــرح
وكــــــأنـه رى الســواقى
( 48 )
انا وانت مـش محاتجين
نمشــى ف ضل الغــــير
دا المـــدعين نصابــــين
والحليطــــــة تـزويــــــر
( 49 )
ماتحط إيــــدك ف إيــدى
قـــوم يالله نزرع خــــير
دا يبقــــى عــيدك وعيدى
لو كـان ف أرض الغـــير
( 50 )
زرع الغــريب له مشـاكله
ف الأرض ليه تسيبهابايـرة؟
ومادمــت عارف مشــاتله
بلاش نـــزيد   المعـــايـرة
( 51 )
حــــب بطريقـــتك وسـيبك
م الــــزور ومسح الجــوخ
ماهاتاخــــد الا نصــــيبك
وان هــنت نفســك تبــوخ
( 52 )
اســــتر عيــوبك ســـترها
رب العبــــاد ف ســــــماه
طب ليه بتنشر  خــبرها ؟
وانت اللـى عاصى  الإله
( 53 )
لو تعيـــش وحدك تمـــوت
بس موت من نوع غـريب
مـش عشان مشرب وقـوت
لأعشــان مـن غـير حبيب
( 54 )
الكـــرم طبــــع وغريــــزة
مهمـــا كان الجـــاى قليـــل
وانت لـــو نفســـك عزيــزة
اوعـــى تحـوجها لبخيـــــل
( 55 )
قـــول يارب ف كل ثانيــــة
حتـــى لـــو كلك  ذنــــــوب
واوعـــى تغلــط مـرة تانيـة
او تقـــولى ازاى اتـــــــوب
( 56 )
صعب ترضى الناس بحالها
او تشـــــيل كـــل الحمـــول
بــــس لــــو ترفــق بحالهـا
يبقـــى فيـــه شيئ م القبـول
( 57 )
مـــــش هقـولك ليــه تبعنى
اوهقـــــول بتخنى ليــــــــه
بـــــــــس لــو حـد  اتبعنــى
ليــه تشــوهنى ف عينيــــه ؟
( 58 )
الصـــراحة سعات بتجرح
بــــس ارحم من النفـــــاق
واللـــى يشكر فيــك ويمدح
يلعنـــك وقت الخنــــــــاق
( 59 )
يبقى  كل  الناس ف قلبــك
لــو تســاعهم ف الشـدايــــد
واللـــى عاش قبلى و قبـلك
قالــــو حب النــاس فــوايـد
( 60 )
الجهــــل اكــــبر مصـــيبة
والعقــــــل زينـــة الرجـال
داوى الأمـــور العصـــيبة
باللــــين وطــولة البـــــال
( 61 )
تبيعـــى واشـــتريـك ازاى؟
يابايعــــة الحب والعشــرة
يغــور المــر لو فى دواى
ويخفـــى التــبر لــو قشــرة
( 62 )
احــنا اصل الكون دا كلــه
بص شــوف كم جيل بعافر
وامـــا قولـــت  الدمع بــله
قــاله حاكمه عميل وكافـــر
( 63 )
مــين يصدق مهمــا تحلف
ان دى ارض الكـــنانــــة
بيـــن إدين جاحد مايخلـف
وعـــده بشــروط الخيانــة
( 64 )
النهـــاردا وبكـــرة حـــــرة
مـــانتــى حـــرة  من زمان
عمـــرى ماسمعتك ف مـرة
قولتـى مـين فيكو اللى خـان؟
( 65 )
راحتك صـــراحــتك وانت
تقــــــدر تقول معــــــرفش
لكــــن هتفضـــل لامتــــى
تقــــــول ولا تفكــــــــرش؟
( 66 )
تقــــــــدر تقــــول كلمــتك
مــــادمــــت  قــــد القــول
عــــارف  طـــريق سكـتك
ماشى ف طريق  معــــدول
( 67 )
الجمــال ف السـت نعمــــة
جـــنب اخلاقهــا الرزيـــنة
واللـــى جار ع الحــق يعمه
يكـــفينا شـــــر الـرزيلــــة
( 68 )
طـــول ماإيدك فـوق سخيه
مهمـــا كان شكـلك قبيـــح
المــــرة تحبك شـــــويـــة
وتكـــره البخل ف  مليــح
( 69 )
كـل حـــوا  وليهــا مـيزة
زى انـــــواع الفـــواكــه
بـس فيه صابحة ولــذيـذة
وفـى تغورلو ميت شياكة
( 70 )
الجمـــال يتحـــس فيهـــم
دى الأنـــوثة ياغشـــــــيم
واللــى ماعـرفش يلاغيهم
يبقــــى اقــــرب للبهــــيم
( 71 )
المـــرة تحب البطـــــــولة
ف اى راجــــل لو عويـل
بـــــس لــو كلك رجـــولة
تبقــــى ضدك لو رزيـــل
( 72 )
الكـــلام الحــلو يـابنــــــى
يبقـــــى لـــه ســحر ونفوز
والمـــرة ان قالت عاجــبنى
حبهــــا يحـللى العجـــــوز
( 73 )
الدنيـــــــا زى الحـــــريــم
تلاغــــيك وتتقـــل عليـــك
وان كــــنت راجـــل كـريم
تحـــــط ايــــدها ف اديـــك
( 74 )
مهمـاكان فى مـن  عواقـب
ف الحـياة  لازم تعيـــــش
فيهـــا ماشى وفيها راكب
هى دنيــا  مـا تختشــــيش
( 75 )
لمــا يـوم تعطيها ضــهرك
اوعـــى تتلفـــت عليهــــــا
حتـى وانت ف عز قهـــرك
دنيـــا فانية  وطـظ فيهــــا
( 76 )
الحيــــــاة عـــايــزة المعافـرة
عايـــزة جرءة وقلــــب جامد
كــل كلمـــــة يأس كافـــــــرة
حتــــى لـــو ينطقهـــا حـامــد
( 77 )
يستـــحيل تغلـــط ف نوبــــة
طــول مافيـــك عقــل وضمير
كـــل لحظـــة تفـوت بتـوبــة
والضمــــير واقـــف غفــــــير
( 78 )
كـــل ليـــل لـــه فجــر طالـع
حتـــى لـــو مليـــان غيــــوم
يامـــا شــوفنا من المـواجــع
واللــى جـاى غــير اى يـوم
( 79 )
يستــحيل يرجـــع زمـــانـــك
بـــس فيـــه ازمــان هاتيــجى
مــــش مهـــم تكــون عشــانك
بــــس دا الشيـــئ الحقيـــــقى
( 80 )
كلنــــــا بنحــــلم ونســــــعى
وكـــل واحـــــد له طمــــوح
حتــــى لو خطـــوتنا واسـعة
فـــين مـن الأقــــدار نـــروح
( 81 )
كـــل خطــــوة بالمقـــــــــــاس
خطــــى على قــــدك وحـاسب
اوعـــى تعمـــــل زى نـــــاس
عمـــرها تمــــن  المـــكاســب
( 82 )
الســـنين تــــــركت اثرهـــــــا
فــــــــوق جبينــــك من  سـنين
والليـــــالى ان غــاب قمــــرها
تبقـــى ضلمـــة ف كـل عـــين
( 83 )
عـــيد حســـــابك كل يــــــــوم
اوعــــى تغفـــــل عنه ثانيـــــة
واللـــــى خالى مــن الهمـــــوم
يبقـــى عايــــش دنيــا تانيـــــة
( 84 )
الغـــــــرابة ان احــــنا نطمــــع
ف الكــــــــرم عـنـــد الحـــــليم
وامــــــا ييجــــى دورنا نقطـع
ف العشــــــم بكــــلام غشــــيم
( 85 )
قـــــول لنفســـــك قبـــل منــــى
واحســــــب الحســــبة بصراحة
قبـــــل ما تحـــــاول تلـــومنـى
يبقــــى فـــى عندك مســــــاحة
( 86 )
الغضــــب سكــــينته حاميـــــة
يتلــــــف الفكـــــــر الســــــليم
كــــل كلمــــة هتبقـــى عاميــــة
تقلـــــــب الجنــــــــــة لجحيــــم
( 87 )
الكـــــــــرم والحـــــلم قـــــــوة
والتـــــسرع م الضــعيــــــــــف
كلنـــــــــــا بــــــــرة وجــــــوة
فينـــــــا نخــــوة وفينــا زيـــف
( 88 )
فى حاجـــات بتمـــوت ولـــــكن
جـــــوه منــــــا حاجــات كــــتير
نرضــى لـــو كان كــله  راكـــن
إلا  لـــــــو مـــــــــات الضــمير
( 89 )
مهمــــا كنت شــــــديد  فـــــتوة
احــــــــترس ايــــــاك تـــــثور
لــــــو  دكر من غـير مــروة
يبقــــــى احســــــن منه ثــــور
( 90 )
الكـــرم ف  النـــــــدل ضــايع
عنـــده فهــــم النخــــوة ضـعف
يعنـــى كلــــــه حداه بضـــــايع
والكـــــرم  من اى صــــــنف؟
( 91 )
أوعى مــــــــرة تعيــش لذاتك
حتــى لو جحدوك صحــابـــك
خلــــى عفــــوك مــن ميـزاتك
تلقـــى كلـــــه يــــــدق بـابـــك
( 92 )
مهمــــــا كانت ايـــــد حبــيبك
بــــــاردة  وماليهــــا الرتـوبة
هـــى ارحــــــم من غريمــــك
لويكــــون  شمسك ف طـــوبة
( 93 )
الكــــرم والصـــــــفح مـــيزة
بـــــس مــين يــقدر ويصفـح
واللـــــى قال نفسـى عـزيـزة
ليـه يهينهــا ف كل مطـــرح؟
( 94 )
العنــــــــاد والكــــدب خيبـة
واللـــى خايب معــــرفــوش
تعمل ايـه ف نفوس عجيبـة
مهمــــا تتعـــــلم جحـــوش
( 95 )
اوعـــى تنــــدم او تعــــايـر
لو عمـــلت الخـــير ف نوبة
كـله محسوب ع  الضــمايـر
حتـــى لـوف النيــة توبـــة
( 96 )
الحطـــب قــــوت النيــــران
زى اى كــــــلام وبـاطــــل
ليـه بنتـــلف ف المــــيزان ؟
او  ف حـق الناس نماطل ؟
( 97 )
بختـــك وحظــــك قــــــــدر
مكتــــوب على جبيـــــــنك
وزى بـــــــــاقى البـــــــشر
لابـــــــــــــــــد هيصيــــبك
( 98 )
ليـــــه بتحــزن على فاتـــك ؟
هــــو سعـــدك كان ف ايـدك ؟
واللي  باقي من حيـاتـــــــــــك
ليـــــــــه تغني له بآهـــــاتـــك
( 99 )
الســـــــعادة ســـــر غامـض
كلــــــنا نفتـــــــش عليــــــه
مــــين بقـى ع الســر قابض
والســــــعادة بيــــــــن أديه ؟
( 100 )
مــــش هقــــولك حب نفسـك
انت مــــش محــتاجنى اقـولك
بــــس فى انســــان بنافســـك
فـــى غرامهــا ..  تبقى  أمك
( 101 )
عـــزك وجــاهــك لـــواهب
ســـبحانه رب العبــــــــــاد
اعطى اللى عاصى وراهب
لكــن الحســاب  له ميعـــاد
( 102 )
أعمل حسـاب العشم
ومد أيد السمـــــــاح
دا مـن صــفات الكرم
انـك تدارى جــــراح
( 103 )
النعمـــة ديما ف ايــدك
هتبص ليــه للي بـــرة
عمر الحسـد لم يفيــدك
ويبدل  الحـلوة مـــــرة
( 104 )
درب الرجال له مداخلـه
والــراجل اللـى يواصـل
متقولش كام يبقى  داخله
ومــش بفرق الفــواصل
( 105 )
اللى ضاع م العمـر ضاع
ليه بتحسب ف اللى فاتـك
واللـى جـاى قبـل الـوداع
اسـتغله ليــوم وفاتــــــك
( 106 )
كل نفس ضرورى فانيـة
يعنى مرجوعنا لتــراب
يبقـى لازم كـل ثانيــــة
نفتكــر جنـة وعــــذاب
( 107 )
كل خطوة تشد خطـوة
نحية القبر ف طريقك
فاحترس من اى نزوة
تحرمك شفعة حبيبـك
( 108 )
كلنـــا ف مركب هتغــرق
بـس مـين عامل حســابه؟
دا اللي ينهب واللى يسـرق
كــله غافــل عن حسـابه
( 109 )
اللــى فاضل كـام يــدوب
حتى لو ها تعيــش قـرون
مـش بأنب ف القـــلوب
بـس شوف قبلك قـارون
( 110 )
طــول ما انت وياك مال
الكــل يجــــــرى وراك
وان ضــاق عليك الحال
لـــو لك حبيب ينســـاك
( 111 )
كتر البكـــى والنـــواح
ما يزيحش هم الغـلابـة
وايــــه يـدمل جـــراح
اللـــى تعضه الديــابة
( 112 )
الصبر غالى  بصحيح
للـــى ضناه الـــــزمن
والقــلب لو كان جريح
مــنين يجيب  التمـــن
( 113 )
مــين اللـى نال المــراد
واتهنـى قـــولوا مـــين؟
لفيت ف كـــل البــــلاد
والسـعد شــوفته حـزين
( 114 )
ماتشــتريش الرخيـص
لــو حتى روحـك فيــه
دا اللى يماشى الخسيس
ضـرورى يبهت عليه
( 115 )
بيع رخيص كل اللى باعك
واشــــترى نفســك كفـايـة
الخسـيس لوكــان دراعـك
إقطــعه وانهى الحكـايــة
( 116 )
الحيــــاة بين خـــد وهات
تســــــتمر بشـــكل ودى
واللـــى يحــلم بالصفات
تشــتريه بكلمة أفنــــدى
( 117 )
دنيــا فيــها مــن العجايب
اللى يخــلق ألف دهشــة
ناس بتحصد ف النوايب
واللى همه لحاف وفرشة
( 118 )
الدمـــوع تغســل همـومك
بـــس ليهـــا شــق تــاني
لو يشوفها ضعيف يلومك
ولا يطمـــع فيــــك أناني
( 119 )
اوعى تظهر ضعف حالك
ولا تشـــــكى لنـــدل مرة
خللى همــك جوة   دارك
والجمــــال يظهر لبـــــرة
( 120 )
ليـــــه تمــد اديــك لواحد؟
ربمـــا يحــرق ف دمـــك
وانت عنــدك رب واحـــد
هـــو احـن عليك من امك
( 121 )
اوعى تبنى ف ارض غيرك
مهمـا كان بينـــكم عمـــــار
ولا تكـــتب كل  خـــيرك
لابـن كان لـك مســـــتعار
( 122 )
يا بخـــت قــــادر كـريم
ضم الضعيف ف حماه
يحـــرم عليــه الجحـيم
والجــنة تســــــــــتناه
( 123 )
كل عين بتنام وتصحى
إلا عـــين رب العبـــاد
يستحيل تغفل ف لحظة
واللـــى ظالم له ميعــاد
( 124 )
مين عشانك تبكى عينه ؟
ولاحتى يشيل همومك ؟
ولا تدعــى الله يعــينه ؟
إلاامك ...  لـو تلومك
( 125 )
حب زى ما كــنت عــايز
بس إوعى يكـون جنون
واحـترس شر الغــرايز
قــبل مانت عليك تهون
( 126 )
لو تهـــون نفســك عليك
يبقــى مين ها يعز تانـى
ليه يكون موتها  بإديك
هـو جاى ليه تبقى جانى؟
( 127 )
كـل واحـد له ظـــروفـه
والظـــروف ما بتنتهيش
فى بيــدّارا ف كســـوفه
وبرضه فيه ما بيختشيش
( 128 )
هاتــى من عنـدك وحـــطى
يعنـى أيــــه ممـكن يكــــون
مهما كان رح ادوس واخطى
وبكره اجيب ف الشبكة جون
( 129 )
الزمن ف  طـــباعه غالب
واحـــنا دايمـــا  بنــلاغيه
واللـــى ينزل ف الملاعب
مــرة له وســـعات عليــه
( 130 )
إقبـــل الجــارى برضاك
هى دنيــــا ماليهــــا قيمة
كل  ماتعـــــاند معــــــاك
دسـها بالجزمة القديمـــة
( 131 )
إحـنا مش هنقـولها تانى
الرجـــولة مــــش كلام
يعنى مش هتكون أنانى
وتنتظــر تعظيم سـلام ؟
( 132 )
القمــر حواليــه نجــــومه
بص شــــوف صــنع الإله
واللى كان مرضاش بكومه
إتحــــــرم متع الحـــــــياة
( 133 )
إنت ليه محتار ف أمرك
وانت أمرك مش ف إيدك
مهما كنت ف عز قهرك
فــى اله واحـد يعينـــــك
( 134 )
قـــول ولا يهمكش لكــن
اوعى تجرحنى بكلامك
حتى لو ع الصدق راكن
رطب الجملة ف ملامك
( 135 )
اللســـان الحلو نعمــــــة
والكلام ملهوش جمارك
يعنى ممكن لـــو بكلمة
تتخمـــد نار  المعــارك
( 136 )
الكـــلام بـــيزيد ويكــــتر
حتى بالنيــة الســــــليمة
قبل ماتقـــول كلمة فكـــر
واتقـــــى شــــرالنمـيمة
( 137 )
كله رايح مـــش هيرجـع
كلنــا لنفــــس المصــــير
والفـــراق لو كان بيوجع
نعمل ايه ؟ ربــك كــــبير
( 138 )
كــل واحـــد له طبــــاعه
بــس فى منها اللى يخــنق
واللى خان عشمك وباعه
قول بناقص مـش هتفرق
( 139 )
كـل واحــد له مقاســــه
حتى لو كان فيــه شبيه
واللــى يتنكر لناســــــه
مين يفكـــر يشــــتريه ؟
( 140 )
الظــنون والشـك  عادة
مـــش هتتـغير كـــــتير
واللى داق طعم السعادة
يبقى من راحت الضمير
( 141 )
الجمـال والقبـــح نســبى
تخـــتلف فيـه العيــــون
ياللى فايتة عليا حاسـبى
كلنـــــا  بنســبة جنــون
( 142 )
ياعـــــــــــــم لــــــم البـــــواقى
احـــنا اللـــى ف الاصل  عــيرة ؟
انا اللــــــــى دار ف الســـواقى
ولا نابـنــــــى حـــــبة شـــعيرة
( 143 )
بهـرب من الشـيب لــو لمحنى
وادارا ف الضـــحك يامـــــــا
ياخــوفى عــودى اللى محـنى
يهنــــى يـــــــــــوم القيــــامة
( 144 )
بنــــده عليــــك لــم  فتحـــتى
وكأن ســــــــدم   ودانـــــــك
وانا اللــــــى فـــوقى وتحــتى
هـــــم اللى نهـــــبك ودانــــك
( 145 )
انا ليــــك بشـحمى  ولحــمى
ولاعمــرى هرضى نـــزلك
عاشـــق ترابــك ولا احـمى
أخـــويا لـــو يـــوم نزل لك
( 146 )
يامصــر عاشــقك صـــبابا
وأهلى  بيه يــوم راعونى
وكـان  يـزيـــدنى صـــلابا
وان نادو بيــك  يمرعـونى
( 147 )
أنا قلبـــى حــــبك وحــــبه
يكفـــى أهــــل الأراضــى
طول عمرى ببدر ف حبه
وارويه بعشــقك واراضى
( 148 )
بتــزيدى ليــه فى المـأسى
وكل يــــوم تخـــــــدعينى
يـاريت مقاســــك مقاسـى
لو حتى رح  تخدى عينى

يادنيــــــــا فضـــى وعبـى
وامــليـــلى كاســى بـــزلك
اشرب والوم اللى عاب بى
واحـــــذره لـــــو نزل لك
( 150 )
ماتصـــبروش قلبـــى مـــــرة ؟
وانا اللـــى  بينكـــم مـــوافــى
حاجب عشــانكو اللــى مـــرة
ولامــرة قـــولتــم عــــوافــى
( 151 )
يادنيـــــا هاتى  ف  حمــولك
اناصـــبرى يوصل مــــدادى
وان زرعى مات من حامولك
هفضـــل مـــوافى  ومـداد ى
( 152 )
أزرع  تقــــاوى  المبحــــبة
واحصـد غرامها اللى نـابت
وكـل يــــــوم حـــــبة حبـــة
لمـــا القلـــــوب ليــــا نـابت
( 153 )
اســــمك لإســمى مــــــرافق
فى شــــهادتى قبــل  البطاقة
ولاعمـرى هعشـــق ورافــق
يامصـــر للقــــلب طــــــاقة
( 154 )
إنتـــى اللــى أهلـى وناسـى
ياســـمرة يـــــاام المــــداين
عمـــرى ماخنــتك وناســى
ورهـــــنة دمى لمـــــــداين
( 155 )
دمى ف رقبت اللى باعنى
لو كنتى بايعــة إشــترينى
ويامــــا زيى إتبــــــــعنى
نكــرانى ليه أيــش ترينى
( 156 )
النـــــاس همـومهم تقــايل
ياســـكنة جوة  ف  عنيهم
حضــنك خلاص فوته آيل
طب مين ف بعدك عانيهم
( 157 )
برد الفــــراق لو لســعنى
هصــبر ولملم ف روحى
لومـــرة حضنك يســعنى
لارحت ولا قولت روحى
( 158 )
معـــرفش حــبك دبحنى ؟
لمــــا  فــــؤادى نــــداله
ولا الغــــرام إســــبحنى
وانتى اللى حـبك ندا  له ؟
( 159 )
حـــبك ف قلبى دوايـــــر
حلقـات بتزحف لروحــى
لوكان حديـد أو دا  وايــر
كان سهل أقولك تـروحى
( 160 )
حبك يمــوت ؟ دا استحالة
ولاحـــبى  ليــــكى يـــولى
طب شوفى كام دست حالة
على قلــــــوبهم  مـــــولى
( 161 )
لاشـــوفت زيـــــك وزيى
ولاشـــوفت غيرك مثــالى
انتــى اللى لايقة  ف زيى
والليــــل عشــانك مسالى
( 162 )
قطـر الحياة كان ماشيبى
ولســـة ماشــــى ولاكـن
ســــاعة محطة مشـــيبى
معرفش ليه شوفته راكن
( 163 )
هنـــن وطبطب عليـــهم
انت اللــى منهــم وليهــم
مين اللى غيرك عاليهــم
أو مــين هاينفع واليهـــم
( 164 )
غنيت باســــمك لامـــونى
قالو عليــــــــــك نرجسـية
لبســـالى فســــتان لمــونى
النفــــخ ف النار جســـــية
( 165 )
إنتى شــــراعى وســــفنتى
ف البحــــر ياام العــــواجز
لودرعى خنى وسيفى انتى
أخطــى بيـــــك الحــواجز
( 166 )
ياأحلــى كلمــــــة  قريتـها
انا جاى بروحى أرمهالك
رابط همـــومى وقارطها
وبخاف عليـك م المهالك
( 167 )
خـــايف عليكى تضــــلى
وتــوهى عن معجبــــينك
مين ليـــا غيرك فاضــلى
والشمس ساكنة ف جبينك
( 168 )
الصــبر طــــبع العــواجز
ع الظلم وانتـوا اللى أدرا
يامـــا قابلكــــم حـــواجز
من قبــــل اخــر مبــادرة
( 169 )
لومى عليــك يابن نيــلها
ياللــى رفقــت الحــــزانا
داانت بعضـمك بانيـــلها
القصــــر بعـــد الخــزانا
( 170 )
فرعك له أصل وجـــدارى
من عهـــد آدم  ياصحـــبى
مين اللى يحكـم ف دارى؟
لو حتـــى عاجـــز وبحبى
( 171 )
لاتحـــط إيــدك ف إيـدهم
دول اليهــــــود الصهيــنة
ولع ف نـــــــارك وإيـدهم
أرواحنـا مش لســة هاينة
( 172 )
سمــى وســــلم وصــــلى
ع الهادى وافرد شــراعك
ياللى أنيـــنك وصـــل لى
وناســـى قــــوة دراعــك
( 173 )
ماتحط إيـــدك ف إيــدى
وشــــيل معـــايا وعــافر
مين اللـــى هيفــك إيدى
غــير اللى بالظلم كــافر
( 174 )
قــالو قرارك ف إيـــدنا
ف عيشنا لك خدامــين
والنــهب لمــا فقــــــدنا
ماسألنا مين خدا مين ؟
( 175 )
آمنت لبنــــك دبحــــنى
والظلــــم خــــيم عليــنا
والهـــم عرفاه دابحـــنى
ولا عمره هيكون عالينا
( 176 )
كــرهك لهمى ولبخـــتى
ورشقة سهمك وصايب
بـــين العوازل لبخـــتى
وتزيدى ليه ف المصايب
( 177 )
ياعـــود ملفـــلف لوانـــى
وشــــكيت لكـــل الأرايب
فيــــه اللى قال لى لو انى
أهديها عمرى اللى رايب
( 178 )
واقف  قصـــادها ماعـــــدت
والقلـــب كان ف  انتظــارها
من أمتى وانا ســاعتى عـدت
وخيـــالى كـــام مـرة  زارها
( 179 )
ضــمة حـــنانك ياأمــــــى
بتزيــدنى قـــوة وصــلابة
مـــع إنى جاهــــل وامـى
بحــــزن لحـــزن الغـلابة
( 180 )
ومن مســــايا لضحـــــايا
تايه  ف خطـوة طــريقى
بمســح دموع الضـــحايا
وانا دمعـى بيشـق ريقـى
( 181 )
طعم المــرار مش قضية
والحلــو له برضه ناســه
واكمنى عارف  ماضــية
أهو بكرة عارف مقاســه
( 182 )
بحـــب واعشــــق وادادى
من يـومى واد فـــط يعنـى
لكن اللــى يكـــسب ودادى
لازم يكــــــــون متبعـــنى
( 183 )
أنا قلبـــى ديمــا عشــــانك
ملكــــاه وكـــان لك إمــارة
يانكــــرة أيـــه علا  شـانك
ولســــة عـــايزة  الأمــارة
( 184 )
فضى همـــومك فى عبـــى
أنا اللى ف الشـــدة  شــالك
طول عمرى بحفن واعبـى
فى دمى واغسـل ف شالك
( 185 )
بصـــرخ وادنـــد آهاتـــــى
ودمعى يغســـل ف تــــوبك
وان جاكى فرح إبقى هاتـى
دا انا أول اللـــى أتـــو  بك
( 186 )
عاصين عشــان بداعيبهــم
والحقــد أصل وجــــدارى
وناســـي إنه  دا  عيبهــــم
ياخوفى لو يوم  جا  دارى
( 187 )
انت ف قلــوبهم و عينهــم
ولبســـت تـــاج  الأصـالة
لـــو الغـــــــلابة تعينهـــم
يبقــى الفقـــير يلقى صالة
( 188 )
عينـى عليــك بابن بطــنى
ياللى الهمــوم من نصـيبك
اناعجـزى عنــك ربطــنى
ياخــوفى لو يوم يصــيبك
( 189 )
الصــــبر ليــــــا وليكـــــم
احســـن من الشكــوى ليــا
ربـــــك هايســـحق واليكــم
والنـــار هتشــوى الواليـــه
( 190 )
انا لومى ليــــك قبل منــــه
ياللى انت عايش ف ضــــله
صـــدقت فشــــــــره ومــنه
وهتافكـــو هــو اللى ضـــله
( 191 )
هـــو صحيح لو رفيــــدهم
يقطـــــع رؤس الأفـــــاعى
لكن ماســــدش رافــــــدهم
وســـــاب لنا ميت رفاعـــى
( 192 )
الخــوف معشــش فى جوفنا
من عهـــد فـــرعون لجيــلى
لــو جــولنا  لأ  أو وجـفنــا
مكنـــش ظلمــــك يجيـــــلى
( 193 )
يالبســــة تـــــوبك معــــرى
سهم العـــيون يبقى صـــايب
وان كـــنت ألومــك معار لى
وابقـــى منعت المصــايب
( 194 )
جمـــال بناتــــنا ف خجلهـا
والفطـنة عقـل اللى راســى
وبهــــــية فـى أخ جـــــالها
صدق على اللى ف راسى
( 195 )
المــوضة لو عرى فاضح
م الغــــرب جم عربـــوها
داالجســم لو يبقى واضــح
فى البنــت دا عارلبـــــوها
( 196 )
لو كنتــــى حلــوة بعيانـى
علشــــانى شـــيفك بعينى
وانا اللى منك عيــــــــانى
إن إشــــــتريت وتبعينــى
( 197 )
يابت ســـاكنة ف حشـــايا
دايب وعاشـــــق جمــــالك
وازاى أفـــــوتك حشــــايا
وانا اللى قلبى جا  مــالك
( 198 )
بلاش ياســـــتى  الألطـــــة
خليـــــكى حـــــلوة ورزينـة
ســـرالجمال ف  البســـــاطة
على أيه بقـــــى هتــــرازينة
( 199 )
أنا نفسى يســـتر بناتنـــا ؟
الزى و يكـــــون مناسب
يخــذى الشيطان لو بناتنا
علشــانى اخطب واناسـب


هناك تعليق واحد:

  1. معلومات عن كيفية القيام باعمال النقل للاثاث
    خطوات النقل للاثاث المنزلى تختلف عن خطوات النقل للاثاث المكتبى وهكذا فى شركة نقل عفش بجدة ، فعليك ان تهتم بالطرق التي تحقق النقل بأسلوب ملائم مع كل قطعة من أهم ما تقوم به الاتى مع شركة نقل أثاث بجدة :-
    - عليك ان تتعرف اولا هل القيام باعمال النقل تتم جميع مقتنياتك المنزلية او أجزاء فقط من العفش ؟ هل اعمال النقل تتم الى المستودعات ام تتم للقيام بالانتقال الى اى مكان اخر ؟
    - تقوم شركة سيرفس تاون نقل عفش جدة القيام بحصر المقتنيات المراد الانتقال به والبدء فى التفكير فى كيفية القيام بفكها والقيام بتغليفها على ان تتم اعمال النقل ام بواسطة الشركات أن تقوم بهذه الخطوة بمفردك نحن شركة نقل العفش بجدة .
    - خدمات النقل للاثاث المنزلى تختلف عن اساليب النقل للاثاث المصانع والفنادق والشركات ، والمنازل من السهل ان يتم تجميع الاشياء المراد نقلها والاستعانة بكل خطوة على حدة شركة نقل أثاث بمكة ، أما عن الشركات والمصانع والمدارس فمن الأفضل ان يتم الاستعانة بالشركات التى تقوم باعمال النقل .

    ردحذف