الست هى الأساس
مش هختلف وياك
وسعات بتبقى الشيطان
وسعات بتبقى ملاك
والشاطرة اللى هاتقدر
تحتوى جوزها
وتحسسه بدفئها
وتقوله بستناك
******
مش لويه بوزها
وطول الوقت ف المطبخ
وان كان رومانسى
يهزر هى بتسبخ
ولو غازلها تقوله
ياشيخ دا لعب عيال
وتملى تشكى لجيرانها
ودايرة بتلبخ
*****
تشوفه بيحب أيه
وتقاسمه ف هوايته
وتبقى سنده وتبقى
العزوة ومرايته
اللى تبين محاسنه
مش بس سلبيات
مش بس تيجى للعوج
وتبتدى قرايته
*****
ولو تشوفه حزين
تعينه ع الأيام
وتصبره ع الألم
وتدفعه لقدام
تضحك ف وشه
على الفاضى وع المليان
وتنسى كل التعب
قبل أما يجى ينام
*****
والراجل اللى يخون
يبقى من زوجته
لان هيا السبب
فى اللى قلق رحته
منكوشة طول النهار
ومبهدلة حالها
وهو طول النهار
يسعى لمصلحته
*****
وان خش بيته يلاقى
القرطة معصوبة
يسمع كلام يالطيف
فشر اللى قال طوبة
ونقار مايخلص
ولا زعببة أمشير
ناقص تبكس وتدى
باللى مكعوبة
*****
والراجل اللى ف بيته
مايلاقيش راحته
يإما يهرب بعيد
علشان يشوف بخته
يإما تبقى الخيانة
من وقت للتانى
وف الحلادى ودى
الغزل لبخته
*****
مهما يكون من شراسة
فى كل راجل طفل
لو حتى هذا الرجل
ترباس ومليون قفل
لازم يلين يتخضع
ويحس بوجودها
لكن تقولو لمين
وتفهمو ف الهِبل
ليست هناك تعليقات:
إرسال تعليق