من أمتى وانا بنتــظر ولســـــة مســــتنى
والــوقفة طالت وخايف قلبى يســــــألنى
ليــه إنتظارك وليـه الحيرة واقف ليــه ؟
معرفش أجاوب واخاف الوقت يســرقنى
*****
طـولتى غبتك ولســـة الوقت هيطـــــول
بغلط ف عــد الدقـــايق وأعـد م الأول
يابطة فينك نســيتى ولا تقـــلانة ؟
ســـيبانى مادد إدين العطـف بتســــــول
*****
حرام عليك لانتظار سيبانى واقف ليه ؟
أحسب واعد الدقايق والإسم انادى عليه
صوتى وصل للجيران وانا بقول بطــة
قام رد واحد بيســـأل ماتقــولنا فيه أيه ؟
*****
خدنى الكسوف وابتديت أدارا فى هدومى
واقــرض على الفكــين وألم ف همــومى
وفضلت ساكت وأقـول الوقت رح تيجى
ولســـة قلبى الضعـيف عايــم على عومى
******
ان هنت مرة عليــك عمرك ما هاتهـونى
لو حتى رح تهجرى هتكونى ف عيـونى
ومهمــا طال الأجـل أنا برده مســــــتنى
ولو هدوب م القلق بين شَكِّي وظنونى
ليست هناك تعليقات:
إرسال تعليق