دبحتى أجمل مشــاعر تربط مابين قلبـــــين
ايه اللى فاضــل مابـــينا هايشـــكل القالبين ؟
*****
يامرسى كانت بعــيد على شـط بين دوامــات
ورمانى ريــح الهـــوى وهــــوايا دوا مـات
*****
مالت شـــراع مركبــى لمــــلمت أشـــــــلائى
والطــــرقة تاهت لشـــطك ؟ ولاّ منيش لاقى؟
*****
الجــــو ليـــه ف العــــدل ديمــــا مجافينــــا ؟
وغرامها ســـهمه اتعـــدل ولما جا فينــــا ؟
*****
صــاب الفـــؤاد مَكمَــنه فاتنــى و ماشـــيلها ؟
جــــواه همـــوم عشــقها وانا اللـــى باشــيلها
*****
كان نفسى افضفض واقول واخـفف الصدمات
مات الكـــلام وقتــها ياقلبــى والصـــدا مات
*****
ماسمعت صــوتى ولاصوت الصـــدا فيـــا
لكن ســلاسل ألـم فى ضــلوعى ماصـــــــفيا
*****
انا مـــش بلـــوم ع الهــوا أمره علـى راسى
ومهمـــا كان التمــن لــو حتى مــــش راسى
*****
لومــى عليـــا انا لو يــــوم نــــويت أرســي
لازم اكــــون قبلــــلها حافـظ علـــوم درسـي
*****
وازاى أقـــــــابل ريــــاح والمـوج مناكفــنا
لـــو حتى دار الهــــوا ومجاش على كيفـــنـا
*****
أيـــه اللى ممكن يكــون واشـرح ف تفســيره
وارســـم خريطـة وصول بينا ودا ف ســيره
*****
على طول مدار الطــريق ياما كنا متكاتــفين
غازلين حروف الغرام والنوة دى كات فين ؟
*****
ايـــــه اللى غــــــير تجـــاه الريـح يرجـعنا ؟
وخـــلا مـــــوج الفـــراق يُنخُر ف أوجـعنا ؟
*****
مش لاقى له تفســــير والهم ساب تاجـــــــــه
على راسى يبقى المصير هاحصد ف إنتاجـه
ليست هناك تعليقات:
إرسال تعليق