تفرق ف ايه ان كنت بدوى
ولا من أهل الحضر
الدم واحد بص شوف
ولا انت مكفوف النظر
******
ايه اللي بينا وبينكوا غيرُه
وقول يجوز لغة الحوار
منتاش مصدق تبقى أعمى
وتبقى لا مؤخذة وحمار
******
قالوا زمان ان كنت فاكر
تبقى لازم تعترف
الدم واحد ف العروق
لكن طباعنا بتختلف
******
احنا اللى صونا العهد بينا
ولسة فاكرين لتفاق
وياما كنا بنختلف
وعمر ما وصلنا لخناق
******
إيدنا ف إديكم فى العشا
وقبل منكم ع العدا
وعلمونا من الصغر
ان العروبة تكون كدا
******
انا وانت نبقى على الغريب
مهما يكون لو مفترى
ولما بِعتوا كل شيئ
ونسيتوا مين المشترى
******
مش هضربك تحت الحزام
ولا احيل عليك حبة غجر
شوف اللى داق منا الهوان
يمكن تشوف منه العبر
*******
ما يهمنيش انت ابن مين
ولا اصل ولا جيرة ونسب
ولا اقول ف مرة غلط ليه
ولاهسألك مين السبب
ليست هناك تعليقات:
إرسال تعليق