ربك عليـــم بالعبــــاد ومرتب القســـــــمة
ولكــــل واحد كوم ف الحـــزن والبســمة
واللى عطــــاه ربنــا حظ فى ســت حنـون
ها يعيش حياة مفــرحة ويعــدى م الأزمــة
صـدر الحنـان ف الحيــاة ام العيـال يا أمــير
وخاصـــــة لو تعشــــقك وتكـــره التـــبزير
تصون عيالك وعرضك وتحاجى على بيتها
ترضـــى بقليلها معــاك ومــش مهم كــــتير
ما يتساووش ف الميراث زى مقال الشـرع
لكن التعامل صحيح الفرع جنب الفـــــرع
لهــــا حـق آدم ف كل الدنيــــا ونعيمـــها
دى المية تسقى الخضار والقمح جنب القرع
ليست هناك تعليقات:
إرسال تعليق